Təklif et
Təklif et

Təklif et

Əsas anlayışlar
• Saytın qonağı — http://www.ozzi.az saytına daxil olmuş şəxs.
• İstifadəçi - bu Razılaşmanın şərtlərini qəbul edən və Sifarişlərini Ozzi.az internet-mağazasında yerləşdirmək istəyən, Sayta daxil olan fiziki şəxs.
• Alıcı — Ozzi.az İnternet-mağazasında Sifariş yerləşdirmiş İstifadəçi.
· Ozzi — “ELEGANT-R LTD" MMC, VOEN: 1400038161, Ünvan: 28 May küçəsi, 3.
• Satıcı — Ozzi və ya internet mağazada malı yerləşdirilmiş başqa hüquqi şəxs və ya fərdi sahibkar
• İnternet-mağaza — Ozzi-yə məxsus olan, http://www.ozzi.az ünvanda internet şəbəkədə yerləşdirilən, Satıcıların əldə etmək üçün təklif etdikləri malların, həmçinin Malların Alıcılara çatdırılması və ödəniş şərtlərinin təqdim edildiyi internet sayt.
• Sayt — http://www.ozzi.az
• Mal — Saytda satışa təqdim edilən mal.
• Sifariş - Saytda seçilmiş Malların satın alınması və Alıcının göstərdiyi ünvana və ya Alınma məntəqəsinə çatdırılması haqqında lazımi qaydada rəsmiləşdirilmiş sifarişdir.
1. Ümumi müddəalar
1. Satıcı Malların satışını http://www.ozzi.az ünvanında olan İnternet-mağaza vasitəsilə həyata keçirir.
2. İstifadəçi Malları İnternet-mağaza vasitəsilə sifariş edərək Malların aşağıda göstərilən satış şərtləri (bundan sonra Malların satış şərtləri) ilə razılaşır. Bu İstifadəçi razılaşması ilə (bundan sonra Razılaşma - Publik oferta) razılaşmadıqda İstifadəçi servisdən istifadəni dərhal dayandırmalı və http://www.ozzi.az saytını tərk etməlidir.
3. Malların hazırki satış şərtləri, həmçinin Saytda təqdim edilən Mallar haqqında məlumat Azərbaycan Respublikası Mülki Məcəlləsinin 407-411 maddələrinə əsasən publik oferta hesab edilir.
4. Razılaşma Satıcı tərəfindən birtərəfli qaydada İstifadəçiyə/Alıcıya xəbərdarlıq etmədən dəyişdirilə bilər. Razılaşmanın yeni redaksiyası bu Razılaşmanın şərtləri ilə başqa qayda nəzərdə tutulmamışdırsa onun Saytda dərc edildiyi andan 10 (on) təqvim günü başa çatdıqdan sonra qüvvəyə minir.
5. Publik oferta Saytın İstifadəçisi/Alıcı tərəfindən İstifadəçinin Saytda qeydiyyata alındığı, Alıcının Sifarişi Saytda eyniləşdirmə olmadan İOS və Android əməliyyat sistemləri üçün mobil əlavələr vasitəsilə rəsmiləşdirildiyi, həmçinin *0221 telefonu ilə Sifarişin Alıcıdan qəbul edildiyi andan aksept edilmiş hesab edilir.
Pərakəndə alqı-satqı müqaviləsi Satıcı tərəfindən Alıcıya malın ödəniş qəbzinin və ya malın ödənişini təsdiq edən başqa sənədin verildiyi andan bağlanmış hesab edilir.
Satıcıya öz e-mail ünvanını və telefon nömrəsini bildirməklə Qonaq/İstifadəçi/Alıcı qeyd edilən rabitə vasitələrindən Satıcının, həmçinin onun Qonaq/İstifadəçi/Alıcı qarşısında öhdəliklərinin icra edilməsi məqsədilə cəlb etdiyi üçüncü şəxslərin reklam və endirimlər haqqında informasiyanı, Satıcının gələcək və qüvvədə olan aksiyaları və başqa tədbirləri haqqında, sifarişin çatdırlma üçün təhvil verilməsi, həmçinin Alıcının bu Publik oferta çərçivəsində öhdəliklərinin icrası ilə bilavasitə bağlı olan başqa məlumatların əks olunduğu məlumat xarakterli göndərişlərinin həyata keçirilməsi üçün istifadə etməsinə razılığını bildirir.
6. Sifarişi həyata keçirərək İstifadəçi/Alıcı razılaşır ki, Satıcı Müqavilənin icrasını üçüncü şəxsə tapşıra bilər və bu zaman onun icrası üçün məsul şəxs kimi qala bilər.
7. Ozzi, Sifariş çərçivəsində İstifadəçiyə, İstifadəçinin/Alıcının bağladığı müqaviləyə dair müşayət edici məlumatları təqdim edir.
8. Siz http://www.ozzi.az internet mağazasında sifarişi reqlament işlərinin keçirilməsi və ya texniki nasazlıqlar dövrləri istisna edilməklə gündə 24 saat, həftədə 7 gün ərzində rəsmiləşdirə bilərsiniz.
9. Sifarişlərin Qaytarılmasını həyata keçirən Qaytarma və Alınma Məntəqələrinin ünvanları və iş rejimləri http://www.ozzi.az saytının "Çatdırılma" bölməsində göstərilmişdir.
2. Razılaşmanın predmeti
1. Bu Razılaşmanın predmeti İstifadəçiyə şəxsi, ailə, ev və digər sahibkarlıq fəaliyyətinin həyata keçirilməsi ilə bağlı olmayan ehtiyacları üçün http://www.ozzi.az ünvanında internet mağazanın kataloqunda təqdim edilmiş Malları əldə etmək imkanının təqdim edilməsidir.
2. Bu Razılaşma Saytda təqdim edilən Malların və xidmətlərin bütün növlərinə, bu təkliflərin İnternet-mağazanın kataloqunda təsvir olduğu müddətdə şamil edilir.
3. Saytda qeydiyyat
1. Saytda qeydiyyat, açılan “Qeydiyyat” pəncərəsinin köməkliyi ilə həyata keçirilir.
2. Sifarişin rəsmiləşdirilməsi üçün Saytda qeydiyyatdan keçmək məcburi deyildir.
3. Ozzi İstifadəçinin qeydiyyat zamanı təqdim etdiyi məlumatın dəqiqliyinə və düzgünlüyünə görə məsuliyyət daşımır.
4. İstifadəçi onun qeydiyyat zamanı daxil etdiyi şifrəni və parolu üçüncü şəxslərə bildirməməyi öhdəsinə götürür. İstifadəçi onun şifrəsinin və parolunun təhlükəsizliyindən və üçüncü şəxslərin onlardan icazəsiz istifadəsindən şübhələndikdə dərhal bu barədə Ozzi-yə istənilən üsulla məlumat verməlidir.
5. İstifadəçinin/Alıcının Çağrı mərkəzi/menecerləri və Ozzi-nin digər nümayəndələri və başqa Satıcılar ilə ünsiyyəti ümumi qəbul edilmiş əxlaq və kommunikasiya etiketi prinsipləri əsasında qurulur. İfadə tərzindən və kimə ünvanlanmasından asılı olmayaraq senzuradan kənar sözlərdən, söyüşdən, təhqiramiz ifadələrdən, həmçinin hədə-qorxudan və şantajdan istifadə edilməsi qəti qadağandır.
4. Mal və alqı-satqının aparılması qaydası
1. Alıcının sifariş etdiyi Mallar Satıcının ambarında olmadıqda, sonuncu Alıcının qeydiyyata alındığı zaman göstərdiyi ünvana müvafiq elektron məlumat göndərilməsi (və ya Ozzi Çağrı mərkəzinin operatorunun zəngi) ilə Alıcını məlumatlandırmaqla Malı Səbətdən çıxarmaq/Alıcının sifarişini ləğv etmək hüququna malikdir.
2. Sifariş ləğv edildikdə tam və ya qismən əvvəlcədən ödənilmiş Sifarişin dəyəri Satıcı tərəfindən Alıcıya Malın ödənildiyi üsulla qaytarılır.
3. Alıcı onun qarşısında Satıcının öz öhdəliklərinin lazımınca icra edilməməsinə səbəb olan yanlış məlumatların təqdim edilməsinə görə tam məsuliyyət daşıyır.
4. Saytda Sifarişin rəsmiləşdirilməsindən sonra Alıcıya, ehtimal edilən çatdırılma tarixi haqqında Alıcının qeydiyyat zamanı göstərdiyi ünvana elektron məlumat göndərilir və ya telefon ilə məlumat verilir. Bu sifarişə xidmət edən Menecer Sifarişin detallarını dəqiqləşdirir, sifariş edilmiş Malların Satıcının ambarında olmasından və Sifarişin emal edilməsi və çatdırılması üçün zəruri olan vaxtdan asılı olan çatdırılma tarixini razılaşdırır.
5. Sifarişə xidmət edən Menecer müvafiq Çatdırılma Xidmətinə Sifarişin təhvil verilməsinin gözlənilən tarixi barədə Alıcını elektron poçt və ya telefon zəngi ilə məlumatlandırır.
5. Sifarişin çatdırılması
1. Ozzi-nin satdığı Malların təqribi çatdırılma müddətləri, üsulları Saytda "Çatdırılma" bölməsində göstərilmişdir. Sifariş təsdiq edildikdə Alıcı konkret çatdırılma müddətlərini Çağrı mərkəzinin operatoru ilə razılaşdıra bilər.
2. Saytda təqdim edilən və Ozzi-nin satdığı Malların çatdırıldığı ərazi Azərbaycan Respublikasının sərhədləri ilə məhdudlaşdırılır.
3. Çatdırılma zamanı Sifariş Alıcıya və ya Sifarişdə Alıcı qismində göstərilmiş üçüncü şəxsə (bundan sonra Alıcı və üçüncü şəxs "Alıcı" adlandırılır) təqdim edilir. Yuxarıda göstərilən şəxslərin nəğd ödəniş etməklə ödənilən Sifarişi alması mümkün olmadıqda Sifariş, Sifariş haqqında məlumatları təqdim edə bilən (sifarişin nömrəsini və ya Alıcının S.A.A.), həmçinin Sifarişin dəyərini tam həcmdə Sifarişin çatdırılmasını həyata keçirən şəxsə ödəyən şəxsə təqdim edilə bilər.
4. Dələduzluq hallarına yol verilməməsi, həmçinin bu Razılaşmanın 5-ci bəndində göstərilən üzərinə götürülmüş öhdəliklərin icrası üçün əvvəlcədən dəyəri ödənilmiş Sifarişin təqdim edilməsi zamanı Sifarişin çatdırılmasını həyata keçirən şəxs Alıcının şəxsiyyətini təsdiq edən sənədi tələb edə bilər, həmçinin Alıcının təqdim etdiyi sənədin nömrəsini və növünü Sifarişlə bağlı qəbzdə göstərə bilər. Satıcı Alıcının fərdi məlumatlarının məxfiliyinə və müdafiəsinə zəmanət verir (b. 9.3.).
5. Malın təsadüfən məhv olması və ya təsadüfən zədələnməsi riski Alıcıya Sifarişin ona verildiyi və Sifarişin Alıcısının Sifarişin çatdırılmasını təsdiq edən sənədlərdə imza etdiyi anda keçir. Sifariş tam çatdırılmadıqda Satıcı Alıcıya Alıcının Sifarişə və çatdırılmaya görə əvvəlcədən ödədiyi məbləği tam şəkildə Çatdırlma xidmətindən Sifarişin itirilməsinin təsdiq edilməsini aldıqdan sonra ödəyir.
6. Hər bir Sifarişin çatdırılma qiyməti fərdi qaydada, sifariş edilmiş Malın Satıcısı haqqında, Malın çəkisi, ərazi və çatdırılma üsulları, həmçinin (zərurət olduqda) ödəniş üsulları nəzərə alınmaqla hesablanır və Saytda Sifarişin rəsmiləşdirilməsinin sonuncu mərhələsində göstərilir.
7. Satıcının malı Alıcıya təhvil vermə öhdəliyi kuryer tərəfindən Malın Alıcıya verildiyi anda və ya Malın Alıcı tərəfindən əvvəlcədən razılaşdırılmış yerdə Sifarişin alınması anında (o cümlədən alınma məntəqəsində) icra edilmiş hesab edilir.
8. Sifariş kuryerdən qəbul edildikdə Alıcı çatdırılmış Mala baxış keçirə və onun sifariş edilmiş miqdara, çeşid və komplektliyə uyğunluğunu yoxlaya bilər, həmçinin Malın çatdırılma xidməti müddətini və qablaşdırmanın bütövlüyünü yoxlaya bilər. Çatdırılmış Mala irad olmadıqda Alıcı kuryerin təqdim etdiyi sənədi imzalamalı və Sifarişi ödəməlidir (100%-lik əvvəlcədən ödəmə olmadıqda). Çatdırma sənədlərindəki imza onu təsdiq edir ki, Alıcının Mala iradı yoxdur və Satıcı Malın verilməsi üzrə öz öhdəliyini tam və lazımi qaydada icra etmişdir.
9. Ozzi-nin satdığı malı çatdıran kuryerlərin Alıcının ünvanında ğözləmə müddəti 15 dəqiqədən çox olmamalıdır.
10. Saytda təqdim edilən mal keyfiyyətinə və qablaşdırılmasına görə DÖST-ə və TŞ-yə uyğundur ki, bu da müvafiq sənədlərlə (sertifikatlarla və s.) təsdiqlənir.
11. Çatdırılmanın tarixini, vaxtını və zərurət olduqda marşrutunu Sifarişin təsdiq edilməsi üçün Alıcı ilə əlaqə saxlayan menecerdən dəqiqləşdirmək olar.
6. Malın dəyərinin ödənilməsi
1. İnternet-mağazada satılan malın qiyməti Azərbaycan Respublikasının pul vahidu olan manatla (AZN) göstərilir və müvafiq olaraq qiymətə əlavə dəyər vergisi də əlavə edilir.
2. Malın qiyməti Saytda göstərilir. Alıcının sifariş etdiyi Malın qiyməti düzgün göstərilmədikdə Satıcı bu barədə Alıcıya Sifarişin düzəliş edilmiş qiymət üzrə təsdiq edilməsi və ya Sifarişin ləğv edilməsi üçün məlumat verir. Alıcı ilə əlaqə saxlamaq mümkün olmadıqda Sifariş ləğv edilmiş hesab edilir. Sifariş ödənilmişdirsə Satıcı Alıcıya ödənilmiş məbləği ödənişin aparıldığı üsulla qaytarır.
3. Saytda Malın qiyməti Satıcı tərəfindən birtərəfli qaydada dəyişdirilə bilər. Bu zaman Alıcı tərəfindən sifariş olunan Malın qiyməti dəyişdirilə bilməz. Malın qiyməti regionlar üzrə tənzimlənə bilər.
4. Bank kartları vasitəsilə Malın dəyərinin ödənilməsinin xüsusiyyətləri:
a) Bank kartları ilə əməliyyatlar kartın sahibi və ya onun səlahiyyət verdiyi şəxs tərəfindən icra edilir.
b) Bank kartları üzrə əməliyyatların tanınması bank tərəfindən həyata keçirilir. Bankda əməliyyatın dələduzluq xarakteri daşıdığını ehtimal etməyə əsas olduqda bank bu əməliyyatı həyata keçirməkdən imtina edə bilər. Bank kartları ilə dələduzluq əməliyyatları Azərbaycan Respublikası Cinayət Məcəlləsinin 178 və 205-ci maddələrinin təsiri altına düşür, həmçinin qeyri qanuni hərəkətin icra edildiyi ərazinin Dövlətində nəzərdə tutulmuş qanunvericiliyə uyğun olaraq digər hüquqi nəticələrə səbəb ola bilər.
v) Ödəniş zamanı bank kartlarından qanunsuz istifadənin müxtəlif növlərinin qarşısının alınması üçün Saytda verilən və əvvəlcədən bank kartı ilə ödənilən bütün Sifarişlər Satıcı tərəfindən yoxlanılır. Kartın sahibinin şəxsiyyətini və onun kartdan istifadə səlahiyyətini yoxlamaq məqsədilə Satıcı belə sifarişi vermiş Alıcıdan şəxsiyyətini təsdiq edən sənədin təqdim edilməsini tələb edə bilər.
5. Ozzi Mallara endirimlər və bonuslar proqramını müəyyən edə bilər. Endirim, bonus növləri, ödənilmə qaydaları və şərtləri Saytda göstərilmişdir və Satıcı tərəfindən birtərəfli qaydada dəyişdirilə bilər.
6. Alıcı sifariş ambarda yığılmağa başlanana qədər satınalma haqqında qərarının dəyişdirilməsi haqqında məlumat verdikdə Sifariş komplektləşdirilməmiş hesab edilir. Əgər Alıcı bu barədə sifarişin ambarda yığılmağa başlanması anından sonra Satıcıya məlumat vermişdirsə, belə Sifariş rədd edilmiş hesab edilir.
Ozzi aşağıdakı hallarda Ozzi tərəfindən satılan Mallara münasibətdə Alıcı üçün "Çatdırılma zamanı" ödəniş üsulunu qadağan edə bilər:
· birinci,
statistikaya əsasən əvvəllər ardıcıl 3 və daha çox sifariş çərçivəsində Alıcının imtina etdiyi malların həcmi çatdırılmış malların həcminin 80%-dən çox hissəsini təşkil etdikdə;
· ikinci,
komplektləşdirilməmiş sifarşlərin payı rəsmiləşdirilmiş sifairşlərin ümumi sayının 60%-dən çox olduqda və komplektləşdirilməmiş sifarişlərin sayı 5-dən az deyildirsə.
Birinci və ikinci halda Alıcı üç ay ərzində ümumi məbləği 200 Manata qədər olan birdən üçə qədər sifarişi satın aldıqdan sonra yenidən "Çatdırılma zamanı" xidmətindən istifadə edə bilər.
· üçüncü,
Alıcı Şirkətə ziyan vurulması məqsədi daşıyan qanunsuz hərəkətlər (oğurluq, qarət, quldurluq, dələduzluq, əmlaka qəsdən ziyan vurma və s.) törətdikdə və ya Ozzi-də buna şübhə olduqda;
· dördüncü,
Ozzi-nin rəyinə görə Alıcı özünü çağrı mərkəzinin operatoru ilə, ticarət nümayəndəsi, Şirkətin başqa əməkdaşları ilə ünsiyyət zamanı nəzakətsiz aparmışdırsa və ya şirkətin işçilərinə qarşı qəsdən törədilən hərəkətlərə (sağlamlığa müxtəlif dərəcəli zərər vurulması, xuliqanlıq, təhqirlər, hədə-qorxular, sağlamlığın məhdudlaşdırılması və s.) yol vermişdirsə.
Bu halda, "Mal sifariş edildikdə" ödəniş şərti müəyyən edilmiş Alıcı, sifarişlərin başqa ödəniş şərtləri ("Çatdırılma zamanı") ilə sifarişi üçün başqa akkauntdan istidadə etməsi müəyyən edildikdə belə akkaunt üçün də həmçinin "Mal sifariş edildikdə" ödəniş şərti müəyyən edilə bilər. Akkauntun "Mal sifariş edildikdə" ödəniş şərti müəyyən edilmiş şəxslə əlaqəsinin müəyyən edilməsi üçün qeydiyyat məlumatlarının bir hissəsinin üst-üstə düşməsi və ya Ozzi-də akkauntu müvafiq şəxsə aid etməyə imkan verən başqa məlumatların olması kifayətdir.
Alıcı http://www.ozzi.az ünvanı üzrə Dəstək xidmətinə "Çatdırılma zamanı" ödəniş üsulundan istifadə etmək imkanının verilməsi haqqında xahişlə müraciət etmək hüququna malikdir. Belə olan halda, o, ikinci və üçüncü hallarda göstərilən hərəkətləri törətməməsinə dair faktları təqdim etməlidir. Sifariş üzrə qərar Şirkət tərəfindən beş iş günü ərzində qəbul edilir, bundan sonra Alıcıya sifarişi verən zaman göstərdiyi elektron poçta bildiriş göndərilməsi yolu ilə qərar haqqında məlumat verilir.
Qeyd edilən müddəalar diskriminasiya deyildir və istehlakçıların Azərbaycan Respublikası qanunvericiliyi ilə zəmanət verilmiş hüquqlarını pozmaq məqsədi daşımır, Ozzi-nin Alıcıların qanunsuz hərəkətləri nəticəsində zərərlərinin azaldılması məqsədini daşıyır.
7. Satıcı Alıcıya əlverişli olan ödəniş üsullarını əvvəllər edilmiş sifarişlərin həcmindən asılı olaraq məhdudlaşdıra bilər. 14 sutka ərzində 10-dan artıq sifariş və ya 100 mal rəsmiləşdirmiş və ya 2 sutka ərzində 10-dan çox sifariş və ya 100 malı təsdiq etmiş müştərilər Ozzi-nin satdığı mallara münasibətdə "Çatdırılma zamanı" ödəniş üsulundan istifadə edə bilməzlər. Digər Satıcılar Alıcıya əlverişli olan ödəniş vasitələrini öz mülahizələrinə əsasən məhdudlaşdıra bilərlər.
7. Malın və pul vəsaitlərinin qaytarılması
1. Ozzi-nin satdığı Malların qaytarılması aşağıda göstərilən "Qaytarma şərtləri"nə uyğun həyata keçirilir.
2. Keyfiyyətə uyğun olan Malın qaytarılması
Alıcı sifariş edilmiş Maldan onu təhvil alana qədər istənilən vaxt imtina edə bilər, Malı təhvil aldıqdan sonra isə satınalma günü nəzərə alınmamaq şərti ilə 14 gün ərzində ondan imtina edə bilər. Lazımi keyfiyyətdə olan Malın qaytarılması malın əmtəə görünüşü, istehlak xüsusiyyətləri saxlandıqda, həmçinin qeyd edilən malın alınması faktını və şərtlərini təsdiq edən sənəd olduqda mümkündür.
1. Alıcı Maldan 7.1.2-ci bəndə əsasən imtina etdikdə. Alıcının qaytardığı malın çatdırılması ilə bağlı Satıcının xərcləri istisna edilməklə Satıcı ona qaytarılmış Malın dəyərini qaytarılmış Mal Satıcının ambarına Alıcının qaytarma haqqında ərizəsi ilə birlikdə daxil olduğu tarixdən 10 iş günü müddətində qaytarır.
2. Alıcının müraciət etdiyi anda anoloji mal Satıcıda satışda yoxdursa, Alıcı bu Razılaşmanın icrasından imtina edə və göstərilən Mala görə ödənilmiş pul vəsaitinin qaytarılmasını tələb edə bilər. Satıcı qaytarılmış mala görə ödənilmiş pul vəsaitini Malın qaytarıldığı gündən 10 iş günü ərzində qaytarmalıdır.
3. Keyfiyyətə uyğun olmayan Malın qaytarılması:
Zəmanət müddəti çərçivəsində istehlakçı lazımi keyfiyyətdə olmayan malın öz seçiminə uyğun olaraq istehsalçıya, satıcıya və ya idxalçıya qaytarılmasını tələb edə bilər.
1. Lazımi keyfiyyətdə olmayan mal dedikdə salamat olmayan və öz funksional keyfiyyətlərinin icrasını təmin edə bilməyən mal nəzərdə tutulur. Alınmış Mal Saytda olan təsvirinə uyğun olmalıdır.
2. Malın xarici görünüşü və komplektliyi, həmçinin bütün Sifarişin komplektliyi Alıcı tərəfindən Malın çatdırılması anında yoxlanıla bilər.
3. Mal çatdırıldıqda Alıcı çatdırılma qəbzinin "Sifarişi qəbul etdim, tam komplektlidir, malın keyfiyyərinə və xarici görünüşünə pretenziyam yoxdur" sütununa və ya Satıcının çap etdiyi başqa anoloji sənəddə Alıcının Malın komplektliyinə və sayına pretenziyalarının olmaması haqqında qeydinin edilməsini nəzərdə tutan sütununda öz imzasını qoyur.
4. Alıcıya lazımi keyfiyyətdə olmayan mal verildikdə və bu Satıcı tərəfindən əvvəlcədən razılaşdırılmadıqda Alıcı "İstehlakçıların hüquqlarının müdafiəsi haqqında" Azərbaycan Respublikasının Qanununun "Malda nöqsanlar aşkar edildikdə istehlakçıların hüquqları" bəndinin 18-ci maddəsinin müvafiq müddəalarından istifadə etmək hüququna malikdir.
5. Maldakı ciddi qüsur onun istehlakçıya verildiyi gündən iki il keçdikdən sonra aşkar edilmişdirsə və bu müddətdə zəmanət müddəti başa çatmışdırsa alqı-satqı müqaviləsinin ləğv edilməsi haqqında tələb istehlakçı tərəfindən yalnız istehsalçıya (səlahiyyətli təşkilata və ya səlahiyyətli fərdi sahibkara, idxalçıya) qarşı verilə bilər. Bu zaman istehlakçı sübut etməlidir ki, aşkar edilmiş qüsur əhəmiyyətlidir və o, malın istehlakçıya təhvil verilməsinə qədər və ya bu ana qədər baş vermiş digər səbəblərdən yaranmışdır.
6. Mala görə ödənilmiş məbləğin qaytarılması haqqında tələb müvafiq tələbin verildiyi gündən 10 iş günü müddətində "İstehlakçıların hüquqlarının müdafiə edilməsi haqqında" Azərbaycan Respublikası Qanunun 9-cu maddəsinin 8-ci bəndi ilə nəzərdə tutulmuş müddətdə təmin edilməlidir .
7. Pul vəsaitlərinin qaytarılması dəyəri ödənilmiş Malın dəyərinin bank kartına köçürülməsi və ya poçt köçürməsi ilə həyata keçirilir.Tam və ya qismən ödənilmiş Sifariş ləğv edildikdə və ya qaytarıldıqda ləğv edilmiş Malın dəyəri Satıcı tərəfindən Alıcıya Malın ödənildiyi üsulla qaytarılır.
8. Məsuliyyət
1. Satıcı Alıcıya İnternet-mağazada alınmış Mallardan lazımi qaydada istifadə edilməməsi nəticəsində dəymiş zərərə görə məsuliyyət daşımır.
2. Satıcı xarici saytların məzmununa və fəaliyyətinə görə məsuliyyət daşımır.
9. Məxfilik və məlumatın qorunması
1. İstifadəçinin/Alıcının şəxsi məlumatları Azərbaycan Respublikasının "Şəxsi məlumatlar haqqında" qanununa uyğun olaraq tənzimlənir.
2. İstifadəçi Saytda qeydiyyatdan keçdiyi zaman aşağıdakı məlumatı təqdim edir: Soyadı, adı, atasının adı, telefonla əlaqə nömrəsi, elektron poçt ünvanı, təvəllüdü, cinsi, ünvanı, məhsulun çatdırılma ünvanı.
3. Öz fərdi məlumatlarını Satıcıya təqdim etməklə Qonaq/İstifadəçi/Alıcı onların Satıcı tərəfindən emalına, o cümlədən Satıcının Qonaq/İstifadəçi/Alıcı qarşısında bu Publik oferta çərçivəsində öhdəliklərinin icra edilməsi, Satıcının malların və xidmətlərin təklif edilməsi, elektron və sms sorğuların keçirilməsi, marketinq aksiyalarının nəticələrinə nəzarət edilməsi, xidmət keyfiyyətinin yaxşılaşdırılması, müştəri dəstəyi, Alıcılara malın çatdırılmasının təşkili üzrə keçirilən proqramlarda iştirak üçün dəvət, Satıcının tərəfdaş şirkətində istehlak kreditinin rəsmiləşdirilməsi, Qonaq/İstifadəçi/Alıcı arasında mükafatların, uduşların keçirilməsi zamanı, Qonaq/İstifadəçi/Alıcı məmnunluğuna nəzarət, həmçinin Satıcının göstərdiyi xidmətlərin keyfiyyətunə nəzarət üçün emal edilməsinə razılıq verir.
4. Fərdi məlumatların emalı dedikdə fərdi məlumatlarla istənilən hərəkətlər (əməliyyatlar) və ya avtomatlaşdırma vasitələrindən istifadə etməklə və ya belə vasitələrdən istifadə etməməklə hərəkətlərin (əməliyyatların) məcmusu, o cümlədən fərdi məlumatların toplanması, yazılması, sistemləşdirilməsi, yığılması, saxlanması, dəqiqləşdirilməsi (yenilənməsi, dəyişdirilməsi), çıxarılması, istifadə edilməsi, verilməsi (o cümlədən öhdəliklərin icrası zamanı ehtiyac yaranarsa transsərhəd təhvil verilmələr istisna edilməməklə üçüncü şəxslərə təhvil verilməsi), şəxsiyyətsizləşdirilməsi, bloklanması, ləğv edilməsi, məhv edilməsi başa düşülür.
5. Satıcı İstifadəçinin/Alıcının razılığına əsasən onun elektron poçtuna və mobil telefonuna informasiya, o cümlədən reklam məlumatları göndərmək hüququna malikdir. İstifadəçi/Alıcı imtinanın səbəblərini izah etməməklə reklam və digər informasiyanı almaqdan imtina etməsi barədə Ozzi-yə *0221 telefonuna məlumat verməklə və ya müvafiq ərizəni Satıcının help@ozzi.az electron ünvanına göndərməklə reklam və başqa informasiyanı almaqdan imtina edə bilər. İstifadəçini/Alıcını sifariş və onun emal mərhələləri haqqında məlumatlandıran xidməti məlumatlar avtomatik göndərilir və İstifadəçi/Alıcı tərəfindən onlardan imtina edilə bilməz.
6. Fərdi məlumatların emalına razılığın geri ğötürülməsi bu publik ofertanın akseptinin geri çağırılması ilə burada göstərilən formada həyata keçirilir.
7. Satıcının "cookies" texnologiyasından istifadə etmək hüququ vardır. "Cookies" məxfi məlumatı əks etdirmir. Qonaq/İstifadəçi/Alıcı bununla, o cümlədən üçüncü şəxslər tərəfindən reklam məlumatlarının statistikasının formalaşması və optimallaşdırılması üçün cookies toplanmasına, təhlilinə və istifadə edilməsinə razılıq verir.
8. Satıcı http://www.ozzi.az saytının müştərisinin ip-ünvanı haqqında məlumatı alır. Bu məlumatlardan sayta daxil olanın şəxsiyyətini müəyyən etmək üçün istifadə olunmur.
9. Satıcı İstifadəçi/Alıcı tərəfindən Saytda açıq şəkildə təqdim edilmiş məlumatlara görə məsuliyyət daşımır.
10. Satıcı İstifadəçi/Alıcı ilə telefon danışıqlarının yazılması hüququna malikdir. Bu zaman Satıcı əsasən telefon danışıqları zamanı əldə edilmiş məlumata icazəsiz müdaxilənin və ya onun Sifarişlərin icrasına bilavasitə əlaqəsi olmayan üçüncü şəxslərə verilməsinin qarşısını almaq öhdəliyini öz üzərinə götürür.
10. Publik ofertanın qüvvədə olma müddəti
1. Bu Publik oferta onun Saytın Qonağı/Alıcı tərəfindən aksept edildiyi andan qüvvəyə minir və Publik ofertanın akseptinin geri çağırılması anına qədər qüvvədədir.
11. Əlavə şərtlər
1. Satıcı Alıcı ilə münasibətlərindn irəli gələn hüquq və öhdəliklərini hər hansı bir üsulla üçüncü şəxslərə həvalə etmək hüququna malikdir.
2. İnternet-mağazadan və göstərilən xidmətlərdən profilaktik və ya başqa işlərin görülməsi və ya başqa texniki xarakterli səbəblərdən müvəqqəti olaraq tam və ya qismən istifadə qeyri-mümkün ola bilər. Ozzi Texniki xidməti Alıcılara əvəlcədən məlumat verməklə və ya vermədən lazımi profilaktik və ya başqa işlər görmək hüququna malikdir.
3. İstifadəçi/Alıcı və Satıcı arasında münasibətlərdə Azərbaycan Respublikasının qanunvericiliyinin müddəaları tətbiq edilir.
4. İstifadəçi/Alıcı tərəfindən suallar və pretenziyalar yarandıqda o Satıcıya telefonla və ya başqa əlverişli üsulla müraciət etmək hüququna malikdir.
5. Bu Razılaşmanın hər hansı bir müddəasının məhkəmə tərəfindən etibarsız elan edilməsi qalan müddəaların etibarsızlığına səbəb olmur.

100%